தூங்குவதைப்
பற்றியும் அதில் உள்ள அறிவியல் உண்மைகளையும் சித்தர் பெருமக்கள் ஆராய்ச்சிகளை செய்து, முடிவுகளை தங்கள் நூல்களில் கூறியுள்ளனர்.
தூங்குவதற்கு
ஏற்ற காலம் இரவு மட்டும் தான் என்பது இயற்கையின் விதிகளில் ஒன்று.
பூமியின் தட்ப வெட்ப நிலைகள் மாறி
இரவில் குளிர்ச்சி பொருந்திய சூழ்நிலை தான் தூங்குவதற்கு ஏற்ற காலமாகும்.
இரவில்
அதிக நேரம் விழித்திருப்பதால் என்ன தீமைகள் விளையும் என்பது பற்றி சித்தர்பாடல்
ஒன்று.
சித்த
மயக்கஞ் செறியும் புலத்தயக்க மெத்தனுக்
கமைந்த மென்பவை களித்தமுற வண்டுஞ் சிலரை
நாயாய்ப் பன்னோய் கவ்வுமிராக் கண்டுஞ் சிலரை
நம்பிக் காண் .
கமைந்த மென்பவை களித்தமுற வண்டுஞ் சிலரை
நாயாய்ப் பன்னோய் கவ்வுமிராக் கண்டுஞ் சிலரை
நம்பிக் காண் .
இதன் பொருள் :-
ஒருவனுக்கு இரவில்
அடிக்கடி நித்திரை கெட்டால்புத்தி மயக்கம், தெளிவின்மை, ஐம்புலன்களில்[உடலில்]சோர்வு, பயம், படபடப்பு, சூடு,
மந்தம், செரியாமை, மலச்சிக்கல், போன்ற
நோய்கள் எளிதில் பற்றும்.
எந்த
திசையில் தலை வைத்து படுக்க வேண்டும் என்பதையும்கூட சித்தர்கள் முன்பே தெளிவாகக்
கூறியுள்ளனர்.
.
உத்தமம் கிழக்கு
ஓங்குயிர் தெற்கு
மத்திமம் மேற்கு
மரணம் வடக்கு
.
உத்தமம் கிழக்கு
ஓங்குயிர் தெற்கு
மத்திமம் மேற்கு
மரணம் வடக்கு
அதாவது ....
கிழக்கு
திசையில் தலை வைத்து படுப்பது பொதுவாகவே அனைத்து விஷயத்திலும் நல்லது.
தெற்கு
திசையில் தலை வைத்துப் படுத்தால் ஆயுள் வளரும்.
மேற்கு
திசையில் தலை வைத்துப் படுத்தால் கனவு, அதிர்ச்சி உண்டாகும்.
வடக்கு
திசையில் ஒரு போதும் தலை வைத்து தூங்கக் கூடாது.
இதனை
விஞ்ஞான ரீதியாகவும் ஒப்புக்கொண்டுள்ளனர். வடக்கு திசையில் இருந்து வரும்
காந்தசக்தியானது தலையில் மோதும் போது அங்குள்ள பிராண சக்தியை இழக்கும். இதனால்
மூளை பாதிக்கப் படுவதுடன், இதயக் கோளாறுகள், நரம்புத்தளர்ச்சி
உண்டாகும். மேலும் மல்லாந்து கால்களையும், கைகளையும்
அகட்டி வைத்துக் கொண்டு தூங்கக் கூடாது. இதனால் இவர்களுக்குத் தேவையான ஆக்ஸிஜன் (பிராண
வாயு) உடலுக்குக் கிடைக்காமல் குறட்டை உண்டாகும். குப்புறப் படுக்கக் கூடாது, தூங்கவும்
கூடாது. இடக்கை கீழாகவும், வலக்கை மேலாகவும் இருக்கும்படி கால்களை நீட்டி இடது பக்கமாக
ஒருக்களித்துபடுத்து தூங்க வேண்டும். இதனால் வலது மூக்கில் சுவாசம் சூரியகலையில்
ஓடும். இதில் எட்டு அங்குலம் மட்டுமே சுவாசம் வெளியே செல்வதால் நீண்ட ஆயுள்
வளரும். மேலும் இதனால் உடலுக்குத் தேவையான வெப்பக்காற்று அதிகரித்து பித்தநீரை அதிகரிக்கச் செய்து உண்ட உணவுகள் எளிதில்
சீரணமாகும். இதயத்திற்கு சீரான பிராணவாயு கிடைத்து இதயம் பலப்படும்.
வலது
பக்கம் ஒருக்களித்து படுப்பதால் இடது பக்க மூக்கின் வழியாக சந்திரகலை சுவாசம்
ஓடும். இதனால் பனிரெண்டு அங்குல சுவாசம் வெளியே செல்லும். இதனால் உடல்
குளிர்ச்சி அடையும்.
தாமதமாக
இரவில் உண்ட உணவு சீரணமாகாமல் புளித்துப் போய் விஷமாக நேரிடும். அதனால் இரவில்
தாமதமாக உணவு உண்ணக் கூடாது.
சித்தர்கள் கூறியது அனைத்துமே ப்ரத்யக்
விஞ்ஞானத்தினால் அறியப்பட்டவைகள். அவர்களும் ப்ரத்யக் விஞ்ஞானிகளே. பராக்
விஞ்ஞானிகளுக்கு இவ்வளவு நுணுக்கமாக கண்டுபிடிக்க முடியாது. பராக் விஞ்ஞானிகளின்
ஆராய்ச்சிகள் எல்லாம் பொதுவாக மேலோட்டமானவைகளே.
அதனால் ரிஷிகளின் பேச்சுக்கள்
எல்லாம் நமக்கு நன்மை செய்பவைகளே. இயன்றவரை இதை நாமும் பின்பற்றி பயன் பெருவோம்.
மறக்காமல் நமது சந்ததிகளுக்கும் சொல்லித்தருவோம். புண்ணியம் பெறுவோம்.
